Ayam deng bebek ada bakudapa. Bebek mulai angka suara kong batanya pa Ayam.
Bebek: “Ayam, ngana pe tolor harga brapa dang orang ja jual di pasar Karombasan?”
Ayam: “Kiapa lei ngana moo ondersuk tanya-tanya ta pe tolor pe harga so?”
Bebek: “Nyanda kwa, kita cuma tanya toohhh. Masak nembole tanya?”
Ayam: “Per butir kita pe tolor de pe harga Rp 1.450. Kalu ngana dang Bebek, berapa ngana pe tolor pe harga?”
Bebek: Ooh, kalu kita lebe mahal dari ngana. Ta pe tolor dorang jual Rp 1.500.”
Ayam: “Kong kiapa dang ngapa pe tolor lebeh mahal dari kita?”
Bebek: “Soalnya khan ta pe tolor lebeh basar daripada ngana pe tolor, toooh??”
Ayam ta badiang. Bebek langsung kase usul “menarik”…
Bebek: “Tagal itu kwa ngana Ayam, kaseh basar ngana pe tolor supaya lei ngana pe tolor mahal sama deng kita no. Sapa tau lei lebeh mahal.”
Ayam (dengan sewot): “Iiiihhhh, berenti lei… cuma deng tu 50 perak kong ta pe panta mo tarabe… Sori jo eeeee… !!!!!”
