BeritaManado.com

HUMOR MANADO: Butul Juga Ternyata Lebe Sedap Jaman Pak Harto

March 27
09:42 2015

Alo pi pasar 45 dia nae angkot dari Sario. Karena di muka kosong Alo pili dudu dimuka dekat sofiur. Itu sofiur dapalia so rupa om-om yang kira2 so sekitar 50 dia pe umur.
Karena dasar ni Alo lei suka bacirita, dia angka cirita sekalian batanya pa ini sofiur. itu.

Alo: Om, so berapa tu anak?
Sofiur: Kita pe anak ada ampa, dua so karja kong tu dua masi sekolah.
Alo: ooo, rumahnya dimana Om?
Sofiur: di Malalayang tole.
Alo: ooo, ini angkot Om punya sandiri??
Sofiur: Iyo tole, tape anak ada beli akang.
Alo: ooo, mar ini ada kabar rupa BBM mo nae, bagimana ini?
Sofiur: iyo so tu kita lagi bingo-bingo yaki ( rupanya ini sofiur lei pangrap)..
Alo : Kalu bagitu sekarang jamannya nyanda sedap beda deng dulu ya?
Sofiur: So butul itu tole, memang lebe sedap jaman Pak Harto dulu

Alo:  Haa?? Apa dang dia pe beda, kiapa kong Om bilang sedap jaman Pak Harto?
Sofiur:  Ya jelas sedap tole, waktu jaman Pak Harto dulu maitua masi muda masi poco2 sekarang so fororo

Alo: ooo (sambil garo kapala)

 

 

 

 

0 Comments

No Comments Yet!

There are no comments at the moment, do you want to add one?

Write a comment

Write a Comment