Humor Manado : Alo, Utu, Ungke menginap di JW Mariot
Siang sampe malam dorang bajalan dari mall ke mall, pas bale ka hotel sampe di lobby lampu mati. Otomatis dorang musti lewat tangga biasa karna lift mati.
Supaya nda barasa mo nae ka Lt.45, dorang babage tugas. Dari lantai 1 – 15 Utu musti crita grap2, dari lantai 16-30 Alo musti cerita setang2. dari lantai 31-45 Ungke musti cerita sedih2.
Jadi no dorang nae, Utu mulai cerita grap2 beking dorang tatawa sampe nda rasa so di lantai 15, lanjut Alo ba cerita setang2, biar tegang maar sampe jo di lantai 30. Biar kaki so bangka maar dorang so sanang karna so dekat…
Giliran Ungke bacerita.
Ungke ?en? ekspresi sedih: “Sebenarnya dari tadi qta mo cerita maar tako nanti ngoni marah…. ”
Utu: “Cerita jo capat somo lantai 40 ini….. ”
Ungke : “Jadi bagini….. itu kunci kamar ??? tatinggal di oto….”
Alo : “Adoooo ungkeeee, jadi itu kunci kamar tatinggal di oto di bawahhh??!! Kyapa ngana nda bilang dari tadi???”
Ungke : “Mo bilang maar blum tape giliran ba ceritaaaa….. “
