Manado – Anda yang ingin mudik menggunakan motor? Kami punya 12 tips untuk Anda yang akan menggunakan kendaraan roda dua :
1. Pastikan dulu ngoni ada motor.
2. Cek bae-bae itu REM. Pastikan masih berfungsi dengan baik. Jangan nekat ba rem pake sepatu.
3. Lampu le harus dalam kondisi bagus. Nda lucu kalu ngana so nae motor, kong depe penerangan cuma pake senter hape.
4. Tu rante le musti cek, masih ada atau so nda, sapa tau so ilang karna anak STM so ambe for senjata dorang bakalae.
5. Jangan lupa tu spion, ini penting skali ciiiin, for ba kaca dang selama di perjalanan. Cihuiii.
6. SIM musti ada. So tau itu SIM apa? Surat Izin Mengemudi. Jang sama deng tape tamang, pas tu Polisi tanya SIM, sambil bongkar hape dia manyao : “SIM 1 at SIM 2 Pak? Tape hape dua SIM ini?”
7. Surat-surat juga wajib ngoni bawa. For jaga-jaga kalu ada razia. Jangan karna ngana jago ba lamu, kong ngana goda tu polisi pasung : “Sorry Pak, kita pe surat motor ta tinggal, depe ganti bagimana kalo torang bekeng surat nikah skarang.
8. Tu helm musti SNI. Biarpun ngana karja di proyek, jangan ngana pamer pulang mudik pake helm karyawan yang depe warna kuning
9. Bawa barang-barang yang simpel deng yang penting-penting jo. Barang-barang sama deng kasur, tabung gas, meja komputer, asbak, reket nyamuk nda usah bawa.
10. Stel tu kecepatan 40-70km/jam jo. Nda usah ba ngebut sampe 120km/jam, nanti mo talalu capat ngoni mo sampe di kampung. So lalah le di perjalanan kong mo dapa suruh kasana kamari di rumah baku bantu.
11. Jangan le talalu santai 10km/jam. Kita kuatir kage lebaran taong depan ngoni baru mo sampe di kampung.
12. Selama di perjalanan bekeng biasa-biasa jo, nda usah ba lebay pake lapas tangan, angka-angka ban muka, badiri di jok, ba jamping kong ba putar2 di udara sama dg ksatria baja hitam. (Jendri frans mamahit)
